Yng nghanol yr 1990au, cychwynnodd griw oedd ynghlwm â'r Ganolfan Dechnoleg Amgen (CAT) yn Machynlleth y clwb ceir cyntaf yng Nghymru (hyd y gwyddom ni!). Clwb Ceir Mach oedd yr enghraifft gyntaf o bobl yn dod at ei gilydd i rannu cerbyd ac i arloesi model newydd o drafnidiaeth gymunedol.

Yn y 2000au cynnar, penderfynodd griw tebyg o ardal Llanidloes ddilyn esiampl Machynlleth, a sefydlu prosiect tebyg. Tyfodd i faint tebyg, ac yn 2019 dechreuodd y ddau glwb gydweithio er mwyn gwaredu eu ceir petrol a diesel wrth i geir trydan ddechrau ymddangos ar y farchnad.